Gŵyl 2022

Helô, Gyd-werinwyr, hipis a chyfeillion Folk on the Farm,

Mae Tyddyn Môn a minnau'n edrych ymlaen yn arw at eich croesawu'n ôl i'r fferm elusennol ym Mrynrefail ar Ynys Môn ar gyfer Gŵyl Folk on the Farm ar yr 8fed, ar ôl ychydig flynyddoedd eithaf heriol, trist a rhwystredig.

Rwyf eisiau cynnig fy nghydymdeimlad dwys i unrhyw un sydd wedi colli anwyliaid yn ystod y pandemig. Yn anffodus, bydd nifer ohonoch eisoes yn gwybod y bu farw un o aelodau sylfaenol yr ŵyl yn ystod y pandemig. Roedd Drew fel brawd i mi a Simmo, ac roedd yn gymeriad poblogaidd tu hwnt ymysg gwyliau. Mae ei golled i'w deimlo ledled y gymuned ŵyl werin. Bydd gŵyl Folk on the Farm 2022 yn hynod o emosiynol hebddo, ond rwy'n siŵr y bydd yno yn mwynhau gyda phawb mewn ysbryd!! Heb os, bydd sawl sgwrs a nifer o atgofion yn cael eu rhannu dros y penwythnos, ond fel y byddai Drew wedi dweud ei hun "Rhaid i'r sioe fynd yn ei blaen, awê!!"

Pleser yw cyhoeddi bod y rhan fwyaf o'r artistiaid a oedd wedi bwriadu chwarae yn 2020 wedi cytuno i chwarae eleni, ar wahân i ambell un. Cymerwch gip ar yr artistiaid sydd gennym ar y gweill i chi isod. Bydd y noson Gwerin ychwanegol ar nos Iau 7 Gorffennaf am 7pm, yn ogystal â'n cyngerdd brynhawn ddydd Gwener, yn cael eu cynnal yn y babell fawr yn y goedwig ar y fferm. Bydd y brif lwyfan a'r ŵyl yn dechrau'n swyddogol nos Wener, yn agor gyda'n Tyddyners ni ein hunain.

Byddwn yn gwneud popeth yn ein gallu i wneud yr ŵyl yn amgylchedd sy'n rhydd rhag Covid, gyda threfn glanhau mwy trylwyr ac rydym yn gofyn i chithau chwarae eich rhan hefyd. Defnyddiwch y glanweithyddion dwylo a ddarperir wrth y fynedfa i bob lleoliad. Nid yw gorchuddion wyneb yn orfodol yn ystod perfformiadau, ond mae croeso ichi wisgo un os ydych yn dymuno gwneud. Hefyd, mae nifer ohonom yn hoff o gofleidio yn y gymuned werin, ond gwnewch yn siŵr eich bod yn gofyn caniatâd yr unigolyn yn gyntaf.

Yn olaf, diolch i chi am gefnogi'r ŵyl Folk on the Farm, a gadewch i ni fwynhau'r penwythnos.

Jon Hippy
Cyfarwyddwr Gŵyl